Финалдық серия: шешуші ойындарға билет сату басталды

«Семей» футзал клубы маусымның шешуші кезеңіне шықты. Алда — Алматының «Қайрат» командасына қарсы плей-офф финалдық ойындары. Бұл — чемпионаттың соңғы кезеңі, мұнда чемпион анықталады.

Финалдық серияның кестесі:
2025 жылғы 23 маусым — бірінші матч
2025 жылғы 24 маусым — екінші матч
Басталу уақыты: 19:30
Өтетін орны: «Абай Арена» (Семей)

Бұл ойындарға билеттердің алдын ала сатылымы ашылды. Жанкүйерлер үшін арнайы ұсыныс бар:

Early Birds акциясы — сатылымның алғашқы үш күнінде 50% жеңілдік.
Бұл — маусымның шешуші ойындарына билеттерді жеңілдетілген бағамен алып, үздік орындарды иеленуге тамаша мүмкіндік.

Билеттерді біздің сайттағы «Билеттер» бөлімінен және Ticketon.kz платформасынан сатып алуға болады.
Бастапқы баға — 500 теңге.

Назар аударыңыз: тұрақты маусымға сатып алынған абонементтер плей-офф ойындарында жарамсыз. Финал — жарыстың бөлек кезеңі.

Барлық жанкүйерлерді маусымның ең маңызды ойындарында команданы қолдауға шақырамыз!