Семей футзал клубы Францияға жетті

Семей футзал клубы Францияға жетті: Чемпиондар лигасындағы плей-оффтың алғашқы ойыны Лавальда өтеді

Қазақстан чемпионы — «Семей» футзал клубы Францияның Лаваль қаласына келіп жетті. Команда Семей қаласынан шамамен 5 800 шақырым жол жүріп, Еуропаның ең мықты клубтары жиналатын маңызды матчқа дайындалуда.

УЕФА Чемпиондар лигасы плей-офф кезеңі аясында «Семей» жергілікті Étoile Lavalloise Futsal клубына қарсы екі матчтық қарсыластық өткізеді. Лавальдағы кездесу — осы жұптағы алғашқы матч.

Ал қарымта матч 6 наурыз күні Қазақстанда, Семей қаласында өтеді. Өз алаңымыздағы ойын команда үшін шешуші маңызға ие болмақ.

Алғашқы матч 23 ақпан күні жергілікті уақыт бойынша сағат 20:30-да Espace Mayenne кешенінде өтеді. Кездесу жоғары деңгейде ұйымдастырылып, жанкүйерлерге нағыз еуропалық футзал атмосферасын сыйлайды деп күтілуде.

Команда Францияға толық құраммен келіп, қарсыласқа қарсы тыңғылықты дайындық жүргізуде. Бас бапкер штабы тактикалық жоспарды пысықтап, ойыншылар матчқа барынша дайын.

Клуб жанкүйерлерін командаға қолдау көрсетуге шақырамыз! Франциядағы сырт алаңдағы ойында да, 6 наурыз күні өз үйіміздегі матчта да «Семейге» қолдау көрсетейік!