«Жайық аренада» тең есеп тіркелді

Оралдағы «Жайық аренада» өткен матчта есепті Родригиньо ашты. Ойынның 6-минутында 23-нөмірлі ойыншы алыстан бағыттаған соққысымен қақпаны дәл көздеді. Араға үш минут салып, Камиль Герейханов әріптесі Марсело орындаған айып добын сәтті пайдаланып, есепті еселеді. «Семей» үшін қолайлы жағдай ойынның 14-минутына дейін жалғасты. Осы минутта «Бәйтерек» ойыншысы Ілияс Бөлекбаев нәтижені қысқартып, есепті 1:2-ге жеткізді. Алғашқы тайм осы есеппен аяқталды.

Екінші жартылайыс Марселоның голымен басталды. Бразилиялық легионер «Семейдің» үшінші добын соғып, есеп айырмасын қайтадан екі допқа жеткізді. Алайда бұл басымдық ұзаққа созылмады. Араға екі минут өткен соң, қарсы шабуыл нәтижесінде Жандос Атагулов есепті 2:3-ке дейін қысқартты.

Матчтың аяқталуына санаулы секундтар қалғанда «Семей» қорғаныста қателікке жол беріп, Ілияс Бөлекбаев дубль авторы атанған үшінші голын жіберіп алды. Осылайша ойын 3:3 есебімен тәмамдалды.

Осы нәтижеден кейін «Семей» оралдықтарға қарсы кездесулерде 4 ұпай еншіледі. Команданың келесі ойыны — УЕФА Чемпиондар лигасының 1/8 финалындағы жауапты матч «Пьяст Гливицаға» қарсы өтеді.