«Семей» бас бапкері Аслан Смаковтың пікірі

Қазақстан Кубогының 1/4 финалында «Елім-Ай» футзал клубына қарсы ойында (8:2) сенімді жеңіске жеткеннен кейін «Семей» футзал клубының бас бапкері Аслан Смаков матчқа қатысты өз ойын білдірді.

Аслан Смаковтың сөзі:
— Топтық кезең мен ширек финал біз үшін бір жағынан ресми ойындар болса, екінші жағынан — маусым алдындағы дайындық секілді болды. Команда түрлі құрамда ойнап, өзара түсіністі арттырды, қажетті тәжірибе жинады. Барлық матчтарда жеңіске жеткеніміз қуантады, бірақ ең бастысы — алда тұрған шешуші ойындарға дайындық пен сенімділік.

«Семей» футзал клубы барлық ойындарда жеңіске жетіп, Қазақстан Кубогының төрттік финалына жолдама алды.