«Семей» футзал клубы плей-офф кезеңінде

Қазақстан Кубогының топтық кезеңінде футзал клубы «Семей» «Қарағанды», «Бәйтерек» және «Искендер» командаларына қарсы кездесулерде 9 ұпай жинап, топты сенімді жеңіспен аяқтап, плей-офф кезеңіне жолдама алды.

Соңғы ойында «Семей» хромтаулық «Искендерді» 7:2 есебімен тізе бүктірді. Біздің саптан гол соққан ойыншылар: Бруно Гомес, Камиль Герейханов, Ақжол Дәрібай, Дедезиньо, ал жаңа ойыншы Арнольд Кнауб кездесудің есебін ашып, клубтағы алғашқы голын соқты.

Плей-оффтың 1/4 финалында «Семей» көкшетаулық «Елім-ай» футзал клубымен кездеседі.