«Семей» футзал клубы «Қайраттан» басым түсті

Қазақстан чемпионатының үшінші туры аясында «Семей» мен «Қайрат» арасында «Абай Аренада» өткен кездесуде семейлік ұжым сенбі күні жеңіске жетті.

Ойынның бірінші минутында-ақ үй иелері басымдық танытып, есеп ашты. Бұрыштамадан көтерілген допты Дедезиньо жойқын соққымен Нұрсұлтан Пиялыға жеткізді. Нұрсұлтан дәл соққы беріп, қақпаны дәлме-дәл ашты. Алғашқы таймда қонақтар бірнеше шабуыл жасағанымен, жауапты голды «Семей» өз қақпасына жіберіп алды – автоголды Габриэль Кандидо жасады.

Семейліктер кезекті шабуылында алғашқы таймның соңына жақын Педриньо гол соғып, есепті теңестірді. Алғашқы тайм үй иелері үшін тиімді аяқталып, есеп 2:1 болды.

Ойынның екінші бөлігі бірінші минуттарынан бастап қарқынды болды. 26-минутта шабуылшы Бруно Гомес есепті 3:1 жеткізді. Алматылық «Қайрат» бір голға жауап бере білсе де, кездесудегі соңғы нүктені Педриньо мен Абдурасул Абдуманапұлы қойды.

«Қайрат» футзал клубымен ел чемпионатының келесі, төртінші туры ертең, 28 қыркүйекте сағат 19:30-да өтеді.