«Семей» Қазақстан чемпионаты плей-оффының жартылай финалына шықты

Ел чемпиондары ФК «Семей» оралдық «Бәйтерек» командасын екі рет мәрте жеңіп, жартылай финалға жолдама алды.

«Абай Аренадағы» екінші кездесуде «Семей» жоғары ұйымдастырушылық пен командалық ойын деңгейін көрсетті. Қарсыластың ойынның алғашқы жартысында соққан ерте голына қарамастан, «Семей» командасы тез ойынға оралып, шайқастың барысын соңына дейін бақылап отырды.

Нәтижесі — 5:3 жеңіс. Голдарды соққан:

• Дедезиньо (дубль)
• Кандидо
• Салхи
• Герейханов

Айта кетейік, бірінші ойын Орал қаласында 3:0 есебімен біздің команда жеңіске жеткен болатын. Осылайша, серияда есеп 2:0 «Семей» пайдасына шешілді.

Келесі кезең — жартылай финал
Сериядағы жеңіс «Семейге» титул үшін күресті жалғастыруға мүмкіндік береді. Жартылай финалдағы қарсылас қалған 1/4 финал жұптарының нәтижесіне байланысты анықталады.

Барлық жанкүйерлерге трибунада және әлеуметтік желілерде қолдағандарыңыз үшін алғыс айтамыз. Команда сіздердің энергияңызды сезініп, бірге алға жылжып келеді!

Жаңалықтарды біздің сайт пен әлеуметтік желілерден қадағалаңыздар — жартылай финал матчтарының кестесін жақында жариялаймыз.