ArInvest — «Семей» футзал клубының ресми демеушісі

«Семей» футзал клубы полиэтилен және алдын ала оқшауланған құбырлар мен оларға арналған фасондық бұйымдар өндіруге маманданған ірі жоғары технологиялық өндірушілердің бірі — ArInvest компаниясымен ынтымақтастықтың басталғанын қуана хабарлайды.

Серіктестік аясында ArInvest компаниясы клубтың ресми демеушісі атанды. Ынтымақтастық Қазақстандағы футзалды дамытуға, спорттық бастамаларды қолдауға және өнеркәсіп саласы мен кәсіби спорт арасындағы байланысты нығайтуға бағытталған.

ArInvest — Қазақстанның түрлі өңірлерінде бірнеше өндірістік алаңдары бар заманауи әрі ауқымды компания. Ел аумағындағы кең өндірістік желінің арқасында компания ұлттық маңызы бар құбыр жүйелерінің құрылысына қажетті өнімдерді жедел жеткізу мүмкіндігіне ие. Бүгінде ArInvest өндірістік кешендері жыл сайын жүздеген мың метр алдын ала оқшауланған және полиэтилен құбырларын шығарып, өнім түрлерін үздіксіз кеңейтуді жалғастырып келеді.

«Семей» футзал клубы ArInvest тарапынан көрсетілген сенімді жоғары бағалайды және бұл серіктестік клубтың ұлттық және халықаралық аренадағы өршіл мақсаттарын жүзеге асыру жолындағы маңызды қадам болатынына сенімді.

«Біз үшін ірі қазақстандық өндірушілердің футзалды дамытуға атсалысып, еліміздің түкпір-түкпіріндегі мыңдаған жанкүйерді біріктіретін спорттық жобаларды қолдауы өте маңызды. ArInvest компаниясын клуб серіктестерінің қатарына қуана қарсы аламыз», — деді «Семей» ФК бас директоры Азамат Аселкан.

Серіктестік аясында спортты, салауатты өмір салтын насихаттауға және отандық бизнестің имиджін нығайтуға бағытталған бірлескен маркетингтік әрі әлеуметтік жобаларды жүзеге асыру да жоспарланған.