«Семей» футзал клубы Азамат Аселканның клубтың бас директоры қызметінен кеткенін хабарлайды.

Азамат «Семей» клубына 2024/25 маусымында қосылды. Осы уақыт ішінде клубымыз ауқымды жұмыс атқарды: кәсіби басқару және операциялық құрылым қалыптастырылып, бүгінде жұмысымыздың негізі болып отырған үдерістер мен даму стратегиясы құрылды. «Семей» серіктестер қатарын кеңейтіп, халықаралық демеушілерді тартты және Қазақстандағы алғашқы әрі жалғыз футзал фан-шопын іске қосты.

Азаматқа атқарған жұмысы үшін алғыс білдіріп, алдағы қызметіне сәттілік тілейміз.

Спорттық штаб пен әкімшілік команда қалыпты режимде жұмысын жалғастыруда, жаңа маусымға дайындық жоспарға сәйкес жүріп жатыр. «Семей» ФК жаңа бас директор туралы бөлек хабарлайтын болады.