«Семей» Manager 360 платформасымен ынтымақтастықты бастады

«Семей» футзал клубы спорт ұйымдарын кешенді басқаруға арналған заманауи AI Athlete Management System (AMS) — Manager 360 платформасымен ынтымақтастықтың басталғанын ресми түрде хабарлайды.

Серіктестік аясында клубта негізгі үдерістерді біріктіретін цифрлық экожүйе енгізіледі: жаттығу процесін жоспарлау, ойыншылардың медициналық бақылауы, деректерді талдау, сондай-ақ клубтың барлық бөлімдері арасындағы ішкі коммуникация.

Manager 360 платформасын пайдалану жаттығу үдерісінің тиімділігін арттыруға, жүктемелерді бақылауды оңтайландыруға және жасанды интеллект құралдарының көмегімен жарақат алу қаупін азайтуға мүмкіндік береді. Сонымен қатар, команда ойындарының және әр ойыншының жеке көрсеткіштеріне жүргізілетін талдау бапкерлер штабына шешімдерді дәл әрі уақтылы қабылдауға жағдай жасайды.

Бұдан бөлек, жүйе скаутинг және трансферлік саясат бағыттарында қосымша мүмкіндіктер ұсынып, ойыншыларды бағалауға арналған құрылымдалған деректер базасына қол жеткізуге жол ашады.

Manager 360 жүйесін енгізу клубтың цифрлық трансформациясындағы маңызды қадам болып табылады және «Семей» футзал клубының спорттық командаларды басқарудағы заманауи әлемдік үрдістерді ұстанатынын көрсетеді.

Клуб жоғары нәтижелерге қол жеткізу мақсатында инфрақұрылымды дамыту мен озық технологияларды енгізу бағытындағы жұмыстарын жалғастырады.